انت من انهى نووع م الرجاله؟؟؟؟

قولكم دي دراسة عملها عالم اسمه (ألين هيليس ) علي عينة من الرجالة لاكتشاف عواطفهم من خلال الاكل اللي بياكلوه
بس لازم نعرف انها الصفة الغالبة على طعام الشخص
ودي نتيجة الدراسة

اولا : نكهات الطعام
الراجل اللي بيحب الاكل مر : راجل مخلص ولكنه لا يحب مواجهة الغير
الراجل اللي بيحب الاكل مالح : راجل حنون ويتعامل مع الآخرين برقة
الراجل اللي بيحب الاكل بالبهارات : راجل متجدد يحب الاثارة والمغامرة
الراجل اللي بيحب الاكل بالفلفل : راجل يحب اعطاء الاوامر ويهتم بالتفاصيل
اما الراجل اللي بيحب المخلل : ده بقى يا اخوانا راجل بيحب التغيير وعينه زايغة ( وكلنا نحذر مراته أو خطيبته منه واحنا مش بنجيب كلام من تأليفنا ..ده علم يا جمااااااااعة )

تعالوا بقى نشوف الفطار
لو بتفطر كوباية شاي بحليب مع رغيف فينو تبقى راجل عصري وبتحب الناس تهتم بيك
ولو بتفطر بيض وجبنة و زيتون تبقىراجل بتحب الاستمتاع بالحياة
ولو مبتفطرش اصلا تبقى راجل مهمل ولاتحترم المواعيد

اما بالنسبة للمشروبات الساخنة فسوف ترى فيها العجب
ودعبس الراجل الطيب اللى بينزل طلبات ع القهوة شايف وعارف وشاهد على كل واحد فيكم..

اللي بيشرب الشاي سادة ده راجل متعب
واللي بيشرب القهوة سادة ده بقى راجل هدفه واضح ويحب السيطرة
اما الكتاكيت اللي بيضربوا كابتشينو دول يا جماعة ناس رومانسيين وغير واقعيين
اللي بيحبوا الشاي الاخضر دول ناس شخصيتهم حازمة وعندهم هوس على صحتهم

المشروبات الباردة

بتوع المياه الغازية دول ناس مغامرين
اما بتوع اللمون دول ناس صحبتهم حلوة ويعشقون البساطة
الناس بتوع العصير بطعم الفراولة ونكهة الاناناس وخلافه فدول ناس يسهل التعامل معاهم

تعالو بقى لآخر حاجة الوجبات
الفرافير بتوع الوجبات الخفيفة وسندوتشات آخر ساعة دول ياجماعة ناس مخلصة وبسيطة وبتحب اللمة
اما الناس المفترية اللي بيحبوا اللحمة فدي ناس متسلطة احيانا ( والله مش حقد طبقي ولا غيره ولا عشان اللحمة غالية دي الدراسة هي اللي بتقول كده )
اما اخوانا بتوع السمك والمأكولات البحرية بيحبوا القيادة وثقتهم بنفسهم ذيادة حبتين
بتوع الفراخ والطيور دي ناس اتكاليين بس حنينين وقلبهم ابيض
الرجالة بقى اللي بياكلوا بقوليات ( فول ..عدس..... الخ ) فدول ياجماعة ناس طيبين وهاديين وبيرضوا بواقعهم ( واعتقد أنه كلنا ذلك الرجل المسكين الواقف على عربية الفول بتاعة عم محروس تحت الكوبري والناس حواليه بتاكل في منتهى الرضا والقناعة )__________________

موضوع جميل
وشكرا ليك